*Esan zaitut edo esan dizut?

Aipatutako adieren artean, esan/erran dizut da zuzena, esan/erran aditza pertsona bati dagokionean, NOR-NORI-NORK motako laguntzailearekin jokatu behar dugulako.

 Hona hemen adibide batzuk:

  •  *Behin eta berriz esan/erran zaitugu hori ez dela zuzena  >  (1) Behin eta berriz esan/erran dizugu hori ez dela zuzena.

NORI esan/erran zehazten ez denean bakarrik NOR-NORK motako laguntzailearekin jokatuko dugu: 

  •  (2) Ahoz gora esan/erran dugun arren ez duzu aditu.

Bataren eta bertzearen arteko aldea argia da. Izan ere, (1) multzoko aditzetan nori esan/erran zehazten den heinean, (2) multzoan ez da adierazten, eta hala egitekotan, NOR-NORI-NORK laguntzailea behar da: 

  •  *Ahoz gora esan/erran zaitugun arren ez duzu aditu >  Ahoz gora esan/erran dizugun arren ez duzu aditu.   

*Izartxoa dutenak ez dira zuzenak.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun