LILA JOKOAK 2018

2018/03/03 Goiz osoan zehar

Kiroldegi aintzinean Bortziriak Bera

Martxoak 8

2018/03/01 - 2018/03/07

Bortziriak Bera

BAZTAN, MALERREKA ETA BORTZIRIETAKO EMAKUMEOK* PLANTO

Erabiltzailearen aurpegia

BAZTAN, MALERREKA ETA BORTZIRIETAKO EMAKUMEOK* PLANTO

Aurten, martxoaren 8an Euskal Herriko mugimendu feministak ere bat egin du EMAKUMEOK* PLANTO aldarrikapenarekin, baita Baztan, Malerreka eta Bortzirietako emakumeok* ere.

Emakumeonganako indarkeriaren kontrako astea

2017/11/17 - 2017/11/25

Bortziriak Bera

Aurten ere Emakumeonganako indarkeriaren kontrako eguna aldarrikatzeko asteko egitaraua prestatu dugu Goldatzetik, bertan emanen da terminologiari buruzko tailerra, herria apaindu egingo dugu gure aldarrikapenekin, Bortzirietako Oinarrizko Gizarte Zerbitzuetatik antolatutako mahai inguru batean parte hartuko dugu, urtero bezala pintxo potea ere eginen dugu eta azaroaren 25ean, larunbata, kalera aterako gara. Animatu zuek ere ekitaldi hauetan parte hartzen!

Patriarkatua: sexualitateen bazterketa aztertzen solasaldia

2017/11/10 18:00

Beralandeta | Bera

Ikasturte berria hasi dugu Goldatzen, eta urrian "landa eremuko emakumeen nazioarteko eguna"ren harira Maialen Txantreren eskutik hitzalditxo bat egin genuen; Emakume ekoizleak eta elikadura burujabetza nafarroan, generoaren ikuspegitik. Orain, Ander Iribarrenen eskutik, Patriarkatua: sexualitateen bazterketa aztertzen solasaldia izango dugu. Guztiak zaudete gonbidatuta hitzaldi honetara! ANIMATU!!!

M8, BASAKERIA HETEROPATRIARKAL KAPITALISTAREN AURKA, FEMINISMOA ZORROZTU!

M8, BASAKERIA HETEROPATRIARKAL KAPITALISTAREN AURKA, FEMINISMOA ZORROZTU!

Erabiltzailearen aurpegia Martxoaren 8an, Goldatzek antolatutako kalejiran 120 bat pertsonak hartu dute parte, eta hagitz kontent agertzen gara bertako kideak. Kalejirako ibilbidea, Mukixu zubian hasi eta Altzateko plazan akautu dena, Lesakako batukada talde hasi berriak girotu du eta bukaeran Goldatzeko kideok irakurketa egin dugu (Euskal Herriko Bilgune Feministaren idatzi bat egokitua): "Nahiz eta egunero ospatu behar den martxoaren 8a, gaurko eguna ospatzeko modukoa dela erran beharra dugu eta gaurko irakurketa honetan basakeria heteropatriarkal kapitalistaren aurka egiten dugu. Oraindik sinestarazi nahi digute kontsumoak etorkizun hobera eramanen gaituela, baina aurrerabide kapitalistaren ametsak hautsita daude. Testuinguru suntsitzaile honetan bortizkeria patriarkala are gogorragoa da eta emakumeon bizitzari etengabe erasotzen dio, baina ez dira konturatzen gizartean ezinbertzekoak garela! Gu feminismoa zorrozten ari gara basakeria horren ordezko alternatibak eraikitzeko. Kapitalismoa ez da berregiten emakumeak azpiratzen ez baditu. Emakumeok planto egiten badugu, dena gelditzen da! Horregatik gure feminismoa antikapitalista, subertsiboa eta erradikala da. Feminismoa zorroztea beharrezkoa da bortizkeria matxistatik babesteko; lan merkatuko erasoei aurre egiteko, bizi gaituen lurra zaintzeko. Feminismoa, gure jakintza eta praktika politikoak, gure aliantza eta sareak zorrozten ari gara, hegemonia berri bat sortu nahi baitugu, sakoneko eraldatze soziala posible eginen duen hegemonia. Gure armak zorrozten ari gara zibilizazio berri bat eraikitzeko, zeinak guztiontzako bizimodu duina ziurtatuko duen. Basakeria heteropatriarkal kapitalistaren aurka, FEMINISMOA ZORROZTU! Bide batez, salatu nahi dugu “Hazte oír” izeneko autobusa; gorrotoaren bus honek egunotan aurreikusia zuen Euskal Herrian zehar ibiltzea, transfobia hedatzen, LGTB kolektiboari eta seuxu-aniztasunari erasoka. Horretaz gain, Sara eta Izarreri ere gure babes osoa eskaini nahi diegu. Izarrekin batera Sara ere etxera! Gutako bat ukitzen badute, guztiok ukitzen gaituzte. EGUNERO DA MARTXOAK 8, GORA EMAKUMEON BORROKA!

AMATASUN FISIOLOGIKOA EZ DA POLITIKOKI ZUZENA

2017/03/04 17:30

Beralandeta | Bera

Sistema honek pertsonak zapaltzeko duen modu nagusia emakumeon gorputza kontrolatzea da, eta horrekin batera, amatasunari bere boterea kentzea. Horrek inseguridade fisiko eta emozional handiak sortzen dizkigu, etekin merkantil handia sortuz. Sistemak bultzatzen duen amatasun ereduan, benetan epaitzen eta zentsuratzen dena, gure erabakitzeko gaitasua eta askatasun sexuala dira. Ezarritako sistema eraldatuko duten erditze eta amatasun ereduak ikusarazi behar ditugu. Amatasun fisiologikoa emakumeon adierazpen sexuala da, adierazpen sexuala autonomia, eta autonomia askatasuna, juxtu patriarkatu kapitalista dardarka paratzen duena.

Martxoak 8, Emakumearen Nazioarteko Eguna

2017/03/03 - 2017/03/08

Bortziriak Bera

Heldu da Martxoaren 8a, Emakumearen Nazioarteko Eguna, eta Beran ere ospatu eginen dugu! Martxoak 8 berezia da feministontzat… Martxoaren 8aren inguruan urtero milaka ekimen, ekintza, hitzaldi, kontzentrazio, manifestazio izaten dira, eta Berako herrian ere hainbat ekimen antolatu ditugu Goldatz Berako Emakume Talde Feministatik. Feministok badakigu emakumearen eguna ez dela egun bakar batean ospatzekoa, eta urtean behin diskurtso eta ekitaldiak egitea baino zerbait gehiago dela. Horregatik, guk urte osoan zehar, ikuspegi feministatik lan egiten segituko dugu, eta gurekin bat egitera gonbidatzen zaituztegu. Parte hartu Martxoaren 8ko astean eginen ditugun ekitaldietan, baita urte osoan zehar eginen ditugunetan ere!!!