Ostirala, urriak 16

18:30

20:00

'Heriotza haurrekin' hitzaldia eskainiko da Leitzan urriaren 16an

Ostiralean, 18:30ean, Heriotza haurrekin izeneko hitzaldia emanen du Naroa Martinezek Leitzako Herri Aretoan. Hitzaldia, Denok Bat Guraso Elkarteak antolatu du Gizarte Zerbitzuen Mankomunitatea, Leitzako Udala, Altzadi Leitzako Kultur Elkartea eta Nafarroako Gobernuarekin elkarlanean.

19:00

20:00

Imanol Epelderen 'Zerbait sartu zait begian' Etxalarren

Udalbiltzaren Geuretik Sortuak ekimenaren baitan sortutako Zerbait sartu zait begian bakarrizketa eskainiko du Imanol Epelde zarauztarrak urriaren 16an, ortziralean 19:00etan Etxalarko Pello Apezetxea Kulturgunean. 

Hizkuntza: Euskara

19:30

Mugalur proiektuaren aurkezpena

Mugalur proiektuaren aurkezpena hartuko du Zugarramurdiko Sorginen Museoak urriaren 16an, ortziralean 19:30ean. Mugaren inguruko podcast kolaboratiboa da, mugaren bi aldeetako bizilagun, artista eta ikertzaileen ahots eta esperientzietatik abiatuta sortua.

19:30

20:30

'Berako emakumeen arrastoa' liburuaren aurkezpena

Berako emakumeek historian zehar egindako ekarpena eta pairatutako bazterkeria agerian uzteko Mugerri kultur elkarteak landu duen Berako emakumeen arrastoa proiektua gizarteratuko da hurrengo asteetan.

14:00

Victor Masferreren 'Denboraren materia'

Etxalarren bizi den Víctor Masferrer kataluniarraren Denboraren materia proiektua ikusgai izanen da Lesakako liburutegian urriaren 8tik 30era. Proiektu honek eskultura eta prozesu gailu bat proposatzen du, liburutegiko airea bildu eta poliki-poliki ur bihurtzen duena. Kondentsazio sistema baten bidez, espazioan dabilen eta arnasten den airea tanta moduan ikusgarri bihurtzen da, liburutegian emandako denbora partekatua materia ukigarri bihurtuz.

16:00

'Berotzen dituzten eskuak' argazki erakusketa

Landa Eremuko Emakumeen Nazioarteko Eguna ospatuko da urriaren 15ean, eta horren harira, Baztango Kultura Zerbitzuak bertako emakumeen antzinako irudiak paratuko ditu ikusgai Elizondoko Arizkunenea kultur etxeko 1. solairuan. Urriaren 1etik 31ra egonen da irekia, lanegunetan 16:00etatik 20:00etara.