Ortziralean 19:00etan hasiko da emanaldia Pello Apezetxea Kulturgunean
Musika, hitza eta irudia nahasten dituen performance garaikidea da Epeldek aurkeztuko duena. Bizimoduaren abiadura, naturarekiko deskonexioa, zoriontasunaren bilaketa amaigabea, maskulinitatea eta euskara umorez nahasten ditu, publikoa hunkituz eta hausnarrera eramanez.
Epelde bakarrik izanen da oholtzan, baina Merina Griseko Julen Idigorasek sortutako musika ere izanen da, «umorez eta irmotasunez, garai hauek kantatzera eta kontatzera» datorren ikuskizunean. Iraia Elias eta Ainhoa Alberdi dira antzerki zuzendariak.