Ortziralean 19:00etan hasita Beralandetan eta bukatzean zine-forum gastronomikoa eginen dute, Musurruk kanpainaren baitan Bortzirietako eta Malerrekako euskaltegietan euskara doan ikasten ahal dela oroitaraztearekin batera, Bortzirietarako Euskara Mankomunitateak eta euskaltegiak film laburren emanaldia antolatu dute Beran. Ortzirale honetan, hilak 21, izanen da, 19:00etan Beralandetan eta lau lan eskainiko dituzte: Joxe Mari Goenagaren Lagun Mina (2011), Koldo Almandozen Ahate pasa (2009), Asier Altunaren Zela Trovke (2013) eta Telmo Esnalen Amona Putz (2009). Filmak gaztelaniaz azpititulatuak izanen dira. Bukatzean, zine-forum gastronomikoa eginen dute.
19:00etan dute hitzordua Arizkunenean Urdazubi, Baztan eta Lizarrako Donejakue bidearen lagunen elkarteek antolatuta, Roldán Jimeno Arangunen eskutik, 1963ko erromesaldiari buruzko hitzaldia izanen dute irailaren 21ean Elizondon. Arizkunenean bilduko dira 19:00etan.
Gazteria eta sexualitateari buruzko Gozamenez programaren baitan urriaren 8ra bitarte aurkez daitezke lanak Bortzirietako Gizarte Zerbitzua gazteria eta sexualitateari buruzko Gozamenez programaren baitan dagoenez, 2018ko uda, oporrak eta herriko besta giroa aprobetxatu nahi du Arantza, Igantzi, Etxalar, Lesaka eta Berako gazteei (12-18 adinekoei) lehen aldiz antolatu duen argazki lehiaketan parte hartzera.
Irailaren 19an eta 26an, asteazkenetan 11:00etatik 13:30era Irailaren 19an eta 26an, asteazkenetan, osasuntsu zahartzeko gakoak izanen dira hizpide Elizondoko Osasun Etxeko Erabilera Anitzeko Aretoan. 11:00etatik 13:30era bitarte izanen dira saioak. Izena eman nahi dutenek 948 581833 telefonora deituz edota Osasun Etxeko harreran galdetuz egin ahal izanen dute.
Lanak urriaren 29a baino lehen aurkeztu behar dira Lesakako Beti Gazte elkarteak argazki lehiaketa antolatu du aurtengoan ere, Lesakako udalaren laguntzarekin. Honela, nahi duten afizionatu guziek har dezakete parte eta lanak urriaren 29a baino lehen aurkeztu beharko dira Beti Gazte elkartean (Beheko Plaza 9, 31770 Lesaka), gisa honetako lehiaketetan ohikoa den sistema erabiliz.
Ortzirale arratsaldean ADANO elkartearen aldeko erremonte partidak antolatu dituzte Iraileko hitzordu haundiari hutsik egin gabe, Burrunba gazteen taldeak besta ttikiak prestatu ditu asteburu honetarako, irailak 21 eta 22rako Donezteben.
Ortziralean afaria izanen dute elkartean; larunbatean, berriz, zikiro jatea Asteburu honetarako besta ttikiak prest dituzte Amaiurren. Ortziralean 20:00etan lehertuko da errebestei hasiera emanen dien suziria eta larunbat gaua dantzan pasatu ondotik, xingar jatearekin borobilduko dute asteburua.
Urria | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | 6 | |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 |