Asteazkena, irailak 14

10:00

18:00

Gurdi Bideari harrera Leitzan

Burgos eta Pasaia lotzen ditu idiek tiratutako gurdiak, Albaolara bikea eta alkitrana garraiatuz eta irailaren 14an ailegatuko da Leitzara Olazti eta Leitza arteko Nafarroako hogeiren bat herrik egingo diete harrera irailaren 10etik 15era idiek eta mendi-behiek tiratutako hiru gurdik osaturiko ilarari. Bikea eta alkitrana garraiatuko dituzte Burgosetik hasi eta Pasaiaraino, San Juan itsasontzia istinka­tzeko. Albaloan ari dira eraikitzen, eta XVI. mendeko baleontziaren erreplika zehatza da.

08:01

Arkupeak elkartearen argazki, margo eta marrazketa lehiaketak

Irailaren 30a arte aurkez litezke lanak Azken urteetan bezalaxe, Arkupeak Elkarteko kideek barrenean duten artista azaleratzeko aukera izanen dute. Literatur lehiaketa izan da egin duten lehenbizikoa eta parte hartu nahi zutenek maiatzaren 30era arteko epea izan dute  lanak aurkezteko. Euskarazko eta gaztelerazko lanak aurkez zitezkeen poesia eta narrazio laburrak. Aurrerago emanen dute irabazleen berri.

09:00

Sarako bestak

Gauero karrikak animatuko dituzte musikariek  Usaian bezala, bortz eguneko bestak antolatu ditu Sarako Besten Komiteak. Karriketan animazioa, ikusgarriak, dantzaldiak, musika... guztion gozarri izaten ari dira. 

11:00

Urritzokietako bestak

Irailaren 14an ospatuko dute Santa Krutz eguna eta igandean ere izanen dira ekitaldiak  Etxalarko Urritzokieta auzoan Santa Krutz bestak ospatuko dituzte. Irailaren 14an, asteazkenean da Santa Krutz eguna eta zenbait ekitaldi antolatu dituzte, baina beti bezala, ondoko iganderako ere utzi dituzte bertze batzuk.

17:00

Bidasoko Trenbidearen Mendeurrena Beran

Irailaren 13tik 20ra Kultur Etxean bisita daiteke eta gero Igantzira eramanen dute Lesakan abiatu eta Etxalar, Donamaria, Doneztebe eta Eratsungo geltokietan geldialdiak egin ondotik, berriz ere Bortzirietara etorriko da Bidasoko Trenbidearen mendeurrenaren inguruan antolatu den erakusketa. Zehazki, Berako Kultur Etxean irailaren 13tik 20ra dago ikusgai eta Igantzin besten aitzineko asteburuan, irailaren 23tik 25era egonen da ikusgai. Hemendik, Sunbillarako bidea hartuko du, irailaren 27tik urriaren 11ra.

18:30

Elbeteko bestak

Zikiro jatea eginen dute larunbatean Iraileko bigarren asteburuan iritsiko da Elbetera besta giroa. Ortziralean hasi eta astelehenera arte segidan, hamaika ekitaldi antolatu dituzte. Asteartean atseden hartu ondotik, asteazkenean dianak, meza eta luntxa izanen dituzte. Zikiro jaterako txartelak Elbeteko Posadan eta Karrikan egonen dira salgai. Haurren bazkarira joan nahi duenak, berriz, Posadan eman behar du izena eta baita mus txapelketan parte hartu nahi duten bikoteek ere.