Irailaren 30a arte aurkez litezke lanak
Azken urteetan bezalaxe, Arkupeak Elkarteko kideek barrenean duten artista azaleratzeko aukera izanen dute. Literatur lehiaketa izan da egin duten lehenbizikoa eta parte hartu nahi zutenek maiatzaren 30era arteko epea izan dute lanak aurkezteko. Euskarazko eta gaztelerazko lanak aurkez zitezkeen poesia eta narrazio laburrak. Aurrerago emanen dute irabazleen berri.
Argazki, margo eta marrazketa lehiaketan parte-hartzeko, berriz, aukera dago oraindik eta animatzen direnek irailaren 30era arteko epea izanen dute beraien lanak aurkezteko. Lanek bete beharreko baldintzak elkarteko kideen artean banatutako boletinean eta web orrian kontsulta litezke. Lehenbiziko sariak 200 eurokoak izanen dira eta bigarrenak 150 eurokoak.