Lur Berri gelan, bihar, uztailak 23, egina dute banaketarako hitzordua: goizez, 08:00etatik 12:00etara eta arratsaldez 17:00etatik 20:00etara. 11 urtetik goitiko saratarrendako maskarak izanen dira eta jasotzeko nortasun agiria, bizilekuaren frogagiria eta haurren kasuan familiako liburuxka aurkeztu beharko dira. Horrez gain, jende pilaketak saihesteko etxe bakoitzetik maskara bila lagun bakarra joateko eskatu dute.
Aste honetatik aitzinera, leku publiko itxietan batezpadakoa da Ipar Euskal Herrian maskara erabiltzea.
