Hona hemen adibide batzuk:
- *Ura ardoa bihurtu > Ura ardo bihurtu.
- *Eguna gaua bihurtu > Eguna gau bihurtu.
- *Topikoa bihurtu > Topiko bihurtu.
- *Igel batean bihurtu zen > Igel bihurtu zen mutikoa.
Zenbaitetan, hala ere, determinatzailea behar izaten du, berekin baldin badarama izenondo, izenlagun, perpaus erlatibo edo halako osagarriren bat:
- Emakumerik azkarrena bihurtu zen.
- Buztin-kolorekoak bihurtu ziren.
Baina artikulua ez da beti nahitaezkoa:
- Gizon eder(a) bihurtu.
- Bihotz sendoko emakume(a) bihurtu.
Eta gogoan izan. Kalko desegokia da era horretakoak inesiboan (-n) erabiltzea. Euskal moldean ez da zertan bihurtu, baizik zer bihurtu.
- Emakumerik ederrena (*ederrenean) bihurtu zen.
- Ura ardo bihurtu zuen (*ardoan, *ardotan).
*Oharra: Izartxoa dutenak ez dira zuzenak.