'*Segundo bakoitzagatik' edo 'Segundo bakoitzeko'?

Ttipi-Ttapa 2026ko apirilaren 12a

Gaztelaniaren kalkoz, hark darabilen por preposizioaren euskal ordaina eman nahian, -tik, -gandik, -gatik atzizkiak erabilita, maiz, hutsegiteak egiten dira edo esaldi anbiguoak sortzen dira. Gaztelaniaz por diren guztiak ez dira -gatik.

Hona hemen adibide batzuk: 

  • *Herriko biztanle guztiengandik ikusia izan zen > Herriko biztanle guztiek ikusi zuten. Herriko biztanle guztiek ikusia izan zen.
  • *Denbora gaindituz gero, bi puntu kenduko dute segundo bakoitzagatik > Denbora gaindituz gero, bi puntu kenduko dute segundoko/segundo bakoitzeko.
  • *Ekuazioaren bi zatiak b-gatik zatituko ditugu > Ekuazioaren bi zatiak b-rekin zatituko ditugu.
  • *Zugatik galdetu zidaten > Zutaz galdetu zidaten. Zuri buruz galdetu zidaten.
  • *Zugatik joanen naiz bilerara > Zure lekuan joanen naiz bilerara. Zure partez joanen naiz bilerara.
  • *Kotxea 10.000 eurogatik saldu dute > Kotxea 10.000 eurotan saldu dute.

Oharra: *Izartxoa dutenak gaizki daude. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun