*Etortzea bera!, *Egitea Nereak!, *Joatea Lorea!…

Aunitz zabaldu den akatsa da. Esaldiaren subjektua hirugarren pertsonakoa denean, ezin da aditz jokatugaberik erabili. Ikusi hemen adibideak.

Honela adieraz daiteke agindua:

  • *Etortzea bera!  > Etor dadila bera!, Datorrela bera!, Etor bedi bera!...
  • *Egitea Nereak!  > Egin dezala Nereak!, Egin beza Nereak!...
  • *Joatea Lorea!  > Joan dadila Lorea!, Doala Lorea!…
  • *Erratea/esatea egia denek! > Erran dezatela egia denek!

Antza denez, erabilera oker hau analogiaz sortu da:
Bera etortzea nahi dut erraten denez, zenbait hiztunek bera etortzea aginduarekin ere parekatzen dute gaztelaniaren eraginez. Honelako zerbait: Quiero que venga = Bera etortzea nahi dut da, eta aginterazko perpausean ere baliokidetza bera egiten dute, baina ez da zuzena: Que venga (él/ella)! = *(Bera) joatea

*Izartxoa dutenak ez dira zuzenak.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun