PPk duela minutu gutti iragarri du Beran zerrenda aurkeztuko duela eta Alberto Gil Zubeldia izanen dela alkategaia. PPk hitzez hitz bere helburua hau dela jakinarazi du: «Berako herritarrei laguntzea eta abertzale nazionalistentzat eragozpena izatea, euren ideia politikoengatik herritarren arazoak alde batera uzten baitituzte».
Dagoeneko lau taldek adierazi dute Beran zerrenda aurkezteko asmoa: EH Bilduk, Herrirakok, UPNk eta orain PPk.
Duela lau urteko hauteskundeetan Navarra Suma aurkeztu zen Beran eta ez zuen zinegotzirik lortu. 2015eko udal hauteskundeetan, berriz, bereizita aurkeztu ziren PP eta UPN, eta UPNk zinegotzi bat lortu zuen baina PPk ez.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.