Ortziralean Bortzirietako EH Bilduk antolatuta, solasaldia egin zuten Beran Mertxe Aizpurua Espainiako Kongresuan EH Bilduko bozeramailearekin. Galde erantzun formatuan, EH Bilduk lorturiko lorpenez, eta etorkizuneko erronkez solastatu ziren, eta horrekin batera maiatzeko hauteskundetako Berako EH Bilduren zerrenda ere aurkeztu zuten.
Aitzinetik iragarri bezala, egungo alkate Aitor Elexpuru izanen da hurrengo hauteskundeetarako EH Bilduren zerrendaburua. Haren atzetik, hurrenez hurren hauek izanen dira hautagaiak: Ines Matxiarena, Patxi Castillo, Lupe Mendigutxia, Esteban Agirre, Adela Arlegi, Patxi Larretxea, Estitxu Pinatxo, Angel Pombar, Maider Iantzi eta Kattalin Ezkerra.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.