11-15 urteko kategorian, sei talderen artean, Olentzero zizelkatzen taldeak jaso zuen lehen saria, Olentzero arto lanetan taldeak bigarrena eta Bildotsak taldeak hirugarrena. Talde honek, gainera, aurten lehen aldiz Irrisarri Land-ek talde mistoek aurkeztutako olentzero politenaren saria jaso zuen. Egunotan Igantziko parkean ikusgai izanen da olentzeroa eta taldekideek bertan kantatzeko eta eguna pasatzeko aukera izanen dute.
10 urte arteko kategorian, bederatzi talderen artean, Olentzero trikitilari izan zen garaile, bigarrena Gizek eta hirugarrena Oletxondorra.
Jaiotza lehiaketan ere, kategoria nagusian Muttikak izan ziren garaile eta hobekien kantatu zuen taldearen saria ere eskuratu zuten. 10 urteko arteko kategorian Izedi taldea bakarrik atera zen eta beretzat izan zen saria.
Horretaz aparte, bertze Olentzero batzuk ere karrikaz karrika ibili ziren lehiaketatik kanpo. Lehiaz kanpo, modu berean, presoekin elkartasun olentzeroa ere atera zen.
