Urtero bezala, Olentzeroren etorreraren esperoan egon dira Arraiozko haurrak ere. Abenduaren 22an, ortziralean, Olentzero ttiki ospatu zuten haurrak eskolan. Gainera, egun horretan hiru hileko honen bukaerarekin batera eta Eguberriak iritsi zela seinale eginez, haur eta gurasoek bazkari bat antolatu zuten eskolan bertan.
Bertzalde, abenduaren 24ean, gabon gaua egunean, bertze herrietan gertatu zen bezala, Olentzero iritsi zen Arraiozera. Ohiko tradiziori jarraituz, herriko haur eta gurasoak txokolate bero-beroa hartu zuten herriko ostatuan eta atsaldako 6ak aldean, Olentzero Mikollorretik beheiti iritsi zen herrira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.