Koronabirusa

Elizondoko zahar etxetik Lekarozera eramanak zituzten xahar guztiak itzuli dira Elizondora

Elizondoko Francisco Joaquin Iriarte Zahar Etxean koronabirusean negatibo emana zuten 32 egoiliar Lekarozko Aspaceren egoitzara lekualdatu zituzten apirilaren 12an.

Apirilaren 12an Elizondoko Francisco Joaquin Iriarte Zahar Etxean koronabirusean negatibo emana zuten 32 egoiliar Lekarozko Aspaceren egoitzara lekualdatu zituzten. Ortziralean itzuli ziren Elizondora oraindik Lekarozen zeuden azkeneko lau egoiliarrak. Dena den, zaharren egoitzan kutsatutako 76 egoiliarretatik 18 hil dira, 1 ospitalean dago eta 10 isolamendu gunean.

Duela hilabete bat Elizondoko zahar etxean zeuden 155 egoiliarrei koronabirusaren testa egin zieten eta 76 positibo eman zuten. Kopuru horretatik 44k ez zuten sintomarik, nahiz eta kutsatuak egon. Eta gaitzaren proban negatibo eman zuten egoiliarretatik 36 Lekarozera eramatea erabaki zuten orduan, han Aspacek kudeatzen duen aterpetxera.

Hilabete geroago, egoera aldatu da. Gaixotasunaren estatistikek baieztatzen dute adineko pertsona bakarra dagoela ospitaleratuta. Bertze 10 zahar etxean bertan isolatuta daude. Ustez Covid-19arekin kutsatuta 18 hil dira eta, orain, 133 egoiliar daude Francisco Joaquín Iriarte zahar etxean.

Lau langilek bajarekin segitzen dute

Langileen artean ere bilakaera nabarmena izan da. Plantilla osatzen duten 85 langileetatik 19k gaixotasunaren sintomak zituzten. Gaur egun, horietako lauk bajan segitzen dute, zuzendaritzak jakinarazi duenez.

Erlazionatuak

Elizondoko zahar etxeko 76 egoiliarrek positibo eman dute koronabirusean

Baztan Elizondo

Birusaren hedapena saihesteko helburuz, joan den asteazkenean, Elizondoko Francisco Joaquin Iriarte zahar etxeko 148 egoiliarrei eta 85 langileei k...
«Zahar etxetik kanpo Baztanen ez da Nafarroako bertze eremuetan baino positibo gehiago izan»

Baztan

Iñaki MARCOS ZORROZA, Baztango Osasun Zentroko zuzendariaTTIPI-TTAPAk hartzen duen eskualdeko datuei erreparatuz, badirudi Baztan bilakatu d...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun