Igandea, urriak 11

09:30

14:00

Olhainera mendi irteera eta gaztaina biltzea

Elkarrekin euskaraz goiz pasa egiteko asmoarekin, urriaren 11n Olhainera mendi itzulia eta gaztaina biltzea egiteko asmoa dute Sarako Olhain ikastolak eta Berako Labiaga ikastolak. Igandean 09:30ean elkartuko dira Euskal Pastizaren Museoaren aparkalekuan eta, itzuliaren ondotik, piknika eta jokoak izanen dituzte Sarako Plazan.

19:00

20:30

Arizona antzezlana izanen da Leitzan urriaren 11n

Aitziber Garmendia eta Jon Plazaolak protagonizatzen duten Arizona antzezlana izanen da Leitzan, igande honetan, urriak 11. Drama eta komedia uztartzen dituen ikuskizuna 19:00etan eginen da Herri Aretoan eta 7 euroren truke ikusi ahal izanen da aitzinetik sarrera eskuratu baduzu. Bertzelako kasuan, 30 minutu lehenago salgai izanen dira 8 euroren truke Herri Aretoko leihatilan bertan. 

14:00

Victor Masferreren 'Denboraren materia'

Etxalarren bizi den Víctor Masferrer kataluniarraren Denboraren materia proiektua ikusgai izanen da Lesakako liburutegian urriaren 8tik 30era. Proiektu honek eskultura eta prozesu gailu bat proposatzen du, liburutegiko airea bildu eta poliki-poliki ur bihurtzen duena. Kondentsazio sistema baten bidez, espazioan dabilen eta arnasten den airea tanta moduan ikusgarri bihurtzen da, liburutegian emandako denbora partekatua materia ukigarri bihurtuz.

20:00

Zubietako Euskararen Eguna

Inoiz baino egitarau zabalagoarekin eta ekitaldiak asteburu osora zabalduta, Euskararen Eguna antolatu dute aurten Zubietako gazteek urriaren 9tik 11rako astebururako. Ohiko ekitaldiez gain, aurten, bigarren aldiz, mendi lasterketa ere antolatu dute eta igandean ere auzolana, paella katea, bingoa eta musika izanen dute