Ikasturtean ikasitakoa erakusteko aukera izanen dute astelehenean Berako Musika Eskolako ikasleek. Udako kontzertua emanen dute 18:00etan Herriko Etxeko plazan.
Ikasturte bukaera hurbiltzen ari da, eta ohi bezala, azken hilabeteotako lana jendaurrean erakusten hasiak dira musika eskoletako ikasleak. Aralar Musika Eskolakoek, adibidez, gaur Leitzan kontzertua emanen dute. 19:00etan egin dute hitzordua, eguraldi ona baldin bada plazan, eta txarra baldin bada eskolako estalpean.
Lesakako Osasun Zentroak jakinarazi duenez, edoskitzearen inguruko bortz tailer eginen dituzte martxotik ekainera bitarte. Silvia Martinez Duque Lesakako Osasun Zentroko pediatriako erizainak eta Marilen Telletxea Bertiz erizain komunitarioak eta emaginak zuzenduko dituzte saioak.
Laura Gurbindoren eskutik, sendabelar ikastaroa izanen dute Etxalarko Larraburuan, Etxalarko udalak lagunduta. Bi mailako ikastaroak eskainiko dira (biak 32 ordukoak).