Bortziriak
- Beran, goizean, instituzioek deituta, 11:00etan, Toki Ona institutuko patioan, zelai gorrian, elkarretaratzea eginen dute. Eta arratsaldean, mugimendu feministak deituta, 20:00etan Mukixu zubian bilduko dira.
- Arantzan, instituzioek deituta, 12:00etan, plazan elkarretaratzea eginen dute.
- Etxalarren, instituzioek deituta, 12:00etan, plazan, bilduko dira. Eta arratsaldean, mugimendu feministak deituta, 18:30ean plazan elkarretaratzea eginen dute.
- Igantzin, instituzioek deituta, 12:00etan, plazara aterako dira.
- Lesakan, instituzioek deituta, 12:00etan, eta arratsaldean, mugimendu feministak deituta, 19:30ean, plazan elkarretaratzeak eginen dituzte.
Gaurko elkarretaratzeez gain, Indarkeria Matxistaren Kontrako Eguneko ekitaldiak borobiltzeko, asteazkenean, azaroaren 27an, Bea Ilardia Olangua abokatu feministarekin indarkeria bikarioari buruzko hitzaldia izanen dute 18:00etan Arantzako liburutegian. Bortzirietako Berdintasun Zerbitzuak antolatu du.
Malerreka eta Bertizarana
- Donezteben, Ez bazara konponbidea, arazoa zara lelopean, 19:00etan, elkarretaratzea eginen dute Parrokia karrikan.
Bertzetik, Donezteben, Aske Emakume Taldeak antolatuta, ortziralean, hilaren 29an, La violencia invisible dokumentala ikusteko aukera izanen da. Ondotik, Sara Vicente abokatuak zalantzak eta galderak erantzunen ditu 19:00etan Herrigunean.
Baztan
- Elizondon, Hedatu gaitezen zintzilik ez gelditzeko. Gelditu dezagun erreakzio antifeminista lelopean, 19:00etan Elizondoko plazan bilduko dira. Mugimendu feministak antolatu du elkarretaratzea.
Leitzaldea eta Urumealdea
- Aranon, udalak deituta, Ez da antzerkia, indarkeria bikarioa da lelopean elkarretaratzea eginen dute 18:30ean kontzejuko atarian.
- Areson, udalak deituta, Ez da antzerkia, indarkeria bikarioa da lelopean plaza zaharrean bilduko dira, 18:30ean.
- Goizuetan, Ez bazara konponbidea, arazoa zara leloa hartuta, 18:00etan kalejira eginen dute plazatik abiatuta. Ondotik, txokolatea banatuko dute.
- Leitzan, hainbat hitzordu antolatu dituzte:
- 13:30ean Zaindu nazazu, zainduko zaitut ekitaldia eginen dute Erleta eskolan, eskolak eta Amazabal Institutuak antolatuta.
- 14:00etan Bortxatzen gaituztelako bortitzak gara lelopean manifestazioa eginen dute, Amazabal institutuko Batzorde Moreak antolatuta.
- 19:00etan Ez gaituzue izutuko. Guk autodefentsa feminista lelopean elkarretaratzea eginen dute. Azken hori Lañaidek antolatu du.
