Giro ederrean hasi zituzten atzo herriko bestak iruritarrek eta urdazubiarrek. Goibel eta euritsu hasi zen eguna eta txupinazoa eguraldi lainotuarekin egin zuten Iruritan, baina bi urteren ondotik alaitasuna nabaria zen plazan eta eguraldiak ez zituen erraldoi eta gaiteroak gelditu. Trinkete txapelketa, haurrendako jokoak, zopak eta dantzaldiak izan zituzten bezpera borobiltzeko. Iruritako bestetako hurrengo egunetako egitaraua ikusteko egin klik hemen.
Urdazubin, berriz, arratsaldean egin zuten txupinazoa, ohikoa den bezala, eta eguzkia lagun izan zuten. Trikitilariek eta ezkila hotsek alaitu zuten besten hasiera, eta apiritifaren ondotik herri afaria egin zuten Montxo erretegian, Hauspolariek girotua. Urdazubiko bestetako hurrengo egunetako egitaraua ikusteko egin klik hemen.
