N-121-A

Ospitalean hil da Narbarteko istripuan larriki zauritutako emakume sunbildarra

Hiru autoren arteko istripua izan da.

Nafarroako Unibertsitate Ospitalera eraman zuten helikopteroan emakumea bizirik baina egoera kritikoan. Zoritxarrez, gaueko hamarrak aldera hil egin zen. Nafarroako errepideetako zirkulazio istripu batean aurten bizitza galdu duen hamargarren pertsona da.

Hiru autoren arteko istripua izan da

Foruzaingoak jakitera eman duenez, Doneztebe aldetik Narbarte aldera zihoan ibilgailu batek geldirik zegoen kotxe bat jo du, eta gidaria, gizonezko bat, arin zauritu da eta Doneztebeko Osasun Etxera eraman dute antsietate krisi batekin. Kolpearekin, alabaina, geldirik zegoen kotxeko gidaria, Sunbillako 70 urteko emakume bat, larriki zauritua suertatu da eta tokian bertan bizkortzen saiatu ondotik helikopteroan Nafarroako Unibertsitate Ospitalera eraman dute.

Istripuko hirugarren autoa momentu horretan N-121-A errepidetik sartu den ibilgailu bat izan da. Zorionez, auto honetako gidaria onik atera da.

Foruzaingoko patruilek zirkulazioa bideratu dute, eta Atestatuen Brigadak hartu du bere gain eginbideen instrukzioa. Suhiltzaileak arduratu dira istripua izan dutenak erreskatatzeaz eta galtzada garbitzeaz.
 

Istripua izan den ingurua.

Erlazionatuak

Emakume bat hagitz larri zauritu da Narbarte inguruan izandako auto istripuan

Bertizarana Narbarte

Sunbillako 70 urteko emakume bat hagitz larri zauritu da Narbarte eta Legasa artean eguerdi aldera gertatu den istripuan, errepide zaharraren eta N...

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun