Zalain Transformados lantegiko lehenbiziko greba egunak jarraipen zabala izan du

Lehenbiziko greba eguna dute gaur Condesa Taldeko Zalain Transformados lantegian eta langile batzordeak adierazi duenez, jarraipen zabala izan du. «Lan hitzarmen duina» eskatzen dute eta «hitzarmenak eragiten dien fabrikako langileen eta bulegoetako langileen % 100ak» bat egin dutela adierazi dute. «Lanera sartu diren bakarrak hitzarmenetik kanpo gelditzen direnak izan dira».

09:00etan langileak lantegiko sarreran bildu dira eta «23 bilera egin ondotik», langileriak «planto» egin duela adierazi du Juan Manuel Altzuarte langile batzordeko UGTko ordezkariak. Salatu duenez, «mobilizazioak planteatu arte zuzendaritza ez da serioski negoziatzen hasi» eta «atzora arte, plantillaren soldata eta lanaldia aldatu nahi izana» leporatu dio enpresari. Enpresa batzordeak «soldatak KPIaren arabera igotzea» eskatu du, «Zalain Transformadosek 2020a irabaziekin itxi baitzuen». Horrekin batera, «bankuen esku egoteak ez du aitzakia izan behar pausorik ez emateko eta langileek eskubideak irabazteko», gaineratu du. «Enpresak labeak geldiarazi» dituela eta jarrera aldatzea espero dutela jakinarazi du.

Uztailaren 22ra arte deitua dute greba eta tarte horretan hainbat mobilizazio iragarri dituzte:

  • Uztailaren 15ean:
    • 05:30ean mobilizazioen hasiera. Informazio piketeak.
    • 09:00etan prentsaurrekoa Zalaingo sarreran.
  • Uztailaren 16an:
    • 07:30etik 09:00etara informazio piketeak.
  • Uztailaren 19an:
    • 07:30etik 09:00etara informazio piketeak.
  • Uztailaren 20an:
    • 07:30etik 09:00etara informazio piketeak.
  • Uztailaren 21ean:
    • 07:30etik 09:00etara informazio piketeak.
  • Uztailaren 22an:
    • 07:30etik 12:00etara informazio piketeak.
    • 09:00etan batzar orokorra.
    • 11:00etan elkarretaratzea eta prentsaurrekoa Zalaingo ateen aitzinean.
Erlazionatuak

Azken orduko aldaketarik ez bada, Zalain Transformados lantegian greba eginen dute uztailaren 15etik 22ra

Bortziriak

Condesa Taldeko Zalain Transformados lantegian greba deitu du enpresa batzordeak, «lan hitzarmen duin baten alde». Babes zabala izan du...
Greba hasi dute Zalain Transformados lantegiko langileek

Bortziriak Bera

«Lan hitzarmen duin baten alde» gaur goizean, 05:30ean hasi dute greba Condesa Taldeko Zalain Transformados lantegian. Langileak lanteg...

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun