Kamioientzat egunaren arabera txandakako joan-etorria berrezartzeko eskatuko dio Manzano-Altuna familiak Arartekoari

Urtarrilaren 11n Olaguen gertatutako auto istripuan zendu zen Mikel Manzano Altuna donostiar gaztearen familia Francisco Jabier Eneriz Olaetxea Nafarroako Arartekoarekin batzartuko da gaur 11:00etan, Iruñean. Neurri zehatzak eskatzeko asmoa du familiak, N121A errepidean ibilgailu astunen trafikoa arintzeko egunaren arabera txandakako joan-etorria berriz indarrean jartzea,  hain zuzen. Hitzordu horretara joateko udaletako ordezkarien eta herritarren babesa eskatu dute eta 10:45ean Iruñeko Gazteluko enparantzan biltzeko deia egin dute.