Hildako bi gazteak, 19 urteko igantziarra eta 21 urteko donostiarra, ibilgailu berean zihoazen. Auto horretako hirugarren bidaiaria (25 urteko gazte lesakarra) zauri larririk gabe atera zen.
Foruzaingoak jakinarazi duenez, biak berehala hil ziren, eta bertaratu ziren mediku zerbitzuek heriotza baieztatu bertzerik ezin izan zuten egin. Suhiltzaileek gorpuak txapa artetik askatu zituzten eta Nafarroako Auzitegi Medikuntzako Institutura eraman zituzten autopsia egitera.
Istripu honetan, gainera, bertze lau zauritu ere izan ziren: 34 urteko gazte urroztarra eta Doneztebeko hiru gehiago (53 urteko gizasemea, 47 urteko emaztekia eta 16 urteko gaztea).
Kamioiaren gidaria, 42 urteko gizaseme errusiarra, onik atera zen.
Istripua Olague parean hiru errei dituen errepide zatian gertatu da eta, istripuaren arrastoak garbitu bitartean, N-121-A errepidea itxi egin zuten eta trafikoa Olague herrian barrena desbideratu behar izan zen.