Inauteak hasteko, ortzegunean, 20:00etan trikiti poteoa eginen dute herriko ostatuetan, eta 22:00etan afaria izanen dute Herriko Ostatuan Gazte Burrunbak antolatuta.
Biharamunean, mandarrak soinean jantzi eta baserriz baserri eskean ariko dira gazteak Gazte Burrunbak antolatuta. 08:30ean paratu dute horretarako hitzordua Titin. Bitartean, herrian, San Miguel eskolako lagunek karrikabuelta eginen eginen dute. 17:00etan, berriz, guraso elkarteak antolatuta, haurrentzako jokoak izanen dira eskolako aterpean eta txokolatea ere banatuko dute.
Inauteak borobiltzeko, larunbatean, martxoaren 1ean, Aparanetik hasita mozorroen eta karrozen desfilea izanen da 16:30ean, eta ondotik, goizaldera arte luzatuko da besta giroa herriko karriketan eta ostatuetan.
