Ilbeltzak 24, ortziralea
09:00etan gazteen gosaria Ariztigain kanpinean. Ondotik bi taldetan banatuta baserriz baserri ibiliko dira Joxe Angelekin eta Modestorekin. Mendaur aldekoek Fonda ostatuan bazkalduko dute eta Meaka aldekoek Bustitz ostatuan. 16:00etatik 19:00etara herriko ttikienentzat musika frontoian Iñaki DJarekin. Arratsalde erdian txokolate beroa. 21:30ean gazteen afaria Fonda ostatuan eta Emakumeen Afaria Ulibeltzak elkartean. Emakumeen afariaren ondotik sorpresa izanen da.
Ilbeltzak 25, larunbata
10:00etan gazteen gosaria Bustitz ostatuan. Ondotik bi taldetan banatuta etxez etxe ibiliko dira Beñat Mitxelena eta Mikel Maia akordeoilairekin. 17:00etatik 20:00etara haurrentzako diskofesta eginen dute Ulibeltzak elkartean J&J Djarekin. Gauean gazteen afaria Fonda ostatuan izanen da.
Ilbeltzak 26, igandea
11:00etan karrozen desfilea Ulibeltzak elkartetik abiatuta, Igandea txarangak girotuta. Desfilean opilak, gaztainak, salda, tortilla eta ardoa banatuko dituzte ikusleen artean. Txartelak ere salgai izanen dira. Desfile bukaeran zozketak eginen dituzte plaza inguruan. 14:30ean bazkaria izanen da Ulibeltzak elkartean eta bazkari bukaeran txaranga. Ondotik dantzaldia Lucianorekin.
