12.137 euro garbi lortu dituzte Sunbillako osasunaren aldeko egunean

Osasunaren aldeko egunaren antolatzaileetako batzuk, Saray eta MPS Lisosomales elkarteko kideei bakoitzari 6.000 euroko txekea ematen.

Osasunaren aldeko egun ederra ospatu zuten maiatzaren 21ean Sunbillan. Hainbat ekitaldi egin zituzten, bertan bildutako dirua Saray Bularreko Minbiziaren Nafarroako Elkarteari eta MPS Lisosomales elkarteei osorik emateko. Bi lote eder ere zozketatu zituzten, denera 7.500 txartel saldu zituzten eta Urko Gastearena eta Iñigo Caldererori egokitu zitzaizkien bi loteak. Egun hartako kontuak egin eta 12.137 euro garbi atera zirela aipatu digu Aitor Ibarra Jalisko antolatzaileetako batek. Honela, 6.000 euroko txeke bana eman die Sunbillako herriak Saray Bularreko Minbiziaren Nafarroako Elkarteari eta MPS Lisosomales elkarteari. Gainerako 137 euroak bertze ekitaldiren bat antolatzen hasiko direla aipatu digu Jalisko. Seguru baietz!!

Saray elkarteko kideak gustura, Aitor Ibarra 'Jalisko'k emandako txekearekin.

Erlazionatuak

Osasunaren aldeko egun borobila izan zuten larunbatean Sunbillan

Malerreka Sunbilla

Minutuko isilunea gorde zen 39 urtez mediku izandako Pilar Martinez Jimenezen omenez eta bi desfibriladore martxan jarri zituzten
Osasunaren aldeko egunean zozketatutako loteak eman dituzte Sunbillan

Malerreka Sunbilla

Urko Gastearena eta Iñigo Calderero suertatu dira saridun   Maiatzaren 23an osasunaren aldeko egun ederra ospatu zuten maiatzaren 21e...

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun