Heldu dira joareak astindu eta mozorrei hautsa kentzeko egunak

Mozorroen bihurrikeriak ez dira faltako aurten ere.

Urteko hitzordurik garrantzitsuena ate-joka dute Ituren, Zubieta eta Aurtitzen. Inauterien bueltan bilduko dira bertze behin ere hiru herriak. Egun handienak urtarrilaren 27a eta 28a izanen dituzte, baina aurretik eta ondoren ere izanen dute festarako aitzakia.

Ilbeltzak 24, ortziralea
Iturengo Pulunpa eskolan maskara tailerra eginen dute eta hirugarren mailako ikasleek inauterietako pertsonaiei buruzko erakusketa azalduko dute. Eskulanen tailerrean prestatutako lipduba aurkeztuko dute eta inauterietako bideoaren emanaldia ere antolatua dute. Eguerdian haurren bazkaria izanen dute eta musikarien doinuek eta joaldunen desfileak borobilduko dute eguna.

 

Ilbeltzak 26, igandea
Larunbatean afaria izanen dute Zubietan eta igandean, goizeko puska bildu eta gosaltzeko elkartuko dira. Bazkariak eta afariak ez dute hutsik eginen eta, ohi bezala, Modesto akordeoilaria izanen dute giroa goxatzeko. Bien bitartean, 17:00etan gaztetxoak herrian barna ibiliko dira. Ondotik, guraso elkarteak antolatutako merienda izanen dute.  

Ilbeltzak 27, astelehena
Goizean gosaldu eta indarrak harturik, Zubietako joaldun, mozorro eta karrozek iturendarrak bisitatuko dituzte. Bide erdian, aurtiztarrekin elkartzeko eta salda beroa hartzeko geldialdia eginen dute. Iturenen bertakoekin bilduta, mozorro artean eta joareen soinupean ibiliko dira herritar eta bisitariak. Zubietan Modestok girotuko ditu otorduak (egunero) eta Iturengo estalpean Olakorekin dantzaldia izanen dute.

Ilbeltzak 28, asteartea
Bezperako bisita itzuliko diete auriztar eta iturendarrek, Zubietako plaza hankaz goiti paratuz. Arratsaldean Iturenen Bixente ariko da.

Ilbeltzak 29, asteazkena
Zubietan kontuak egiteko eguna izaten da. Goizean goiztik puskak biltzen ibili ondotik, gosaria izanen dute. Bazkaldu ondotik, berriz, kontuak eginen dituzte. Arratsaldean joareak jantzi eta harat honatean ibiliko dira joaldunak. Aurtiztar eta iturendarrak ere etxez etxe ibiliko dira joaldun eta trikitilariekin. Iluntzean afariak izanen dituzte elkarteetan. Iluntzea girotzeko Iturenen Kristianen eskutik musika izanen dute. 

Otsailak 1, larunbata
Kontuen eguna izaten da Iturenen. Zubeldia eta Soto bertsolariak lagun dituztela Herriko Etxeko ganbaran bazkaria izanen dute. Bazkaldu ondotik, afarira bitarte dantzaldia izanen dute Hauspolariek taldearekin. 

 

Otsailak 2, igandea
Kontuen eguna izanen dute Aurtitzen eta xaharren afaria eginen dute.

Erlazionatuak

«Urtero urtero beztitu naiz mozorro, tapa-tapa egin eta martxa festara»

Malerreka Zubieta

Maribel ELIZALDE MINDEGIALabaienen sortutako zubietarra Bizitzaz gozatzen ari dela  nabari zaio Maribel Elizalderi, «urte sail ederra l...
Tradizio beraren moldeak, joaldunen joare kolpeak

Malerreka

Iturendar, zubietar eta aurtiztarrak elkartzen dituen tradizioa dira joaldunak. Tradizio bat eta bera izanagatik, bi molde bereizten dira. Izan e...
Mozorro besta lehertzear da

Malerreka

Joan den astean Eratsunen eta Elgorriagan ospatu zituzten inauteriei lekukoa hartuz, ortzirale honetan Sunbillan eta Leitzan ospatuko dituzte inaut...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun