Ilbeltzak 26, ortziralea
09:00etan Ariztigain kanpinean gosalduko dute. Ondotik herriko gazteak, bi taldetan, baserrietara joanen dira, Modesto eta Joxe Angel akordeoilariekin. Bazkaria eginen dute, Exkernekobordan Mendaur aldekoak, eta Bustitzen bertzeek. Arratsaldean txokolate beroa dastatzeko parada izanen dute herriko ttikiek frontoian eta 17:00etatik 20:30ra dantzaldia izanen dute frontoian Agerralde akordeoilariarekin. 21:30ean eskean dabiltzanen afaria ez ezik, emakumeen afaria ospatuko da Ulibeltzak Elkartean. Afal ondotik sorpresa izanen dute.
Ilbeltzak 27, larunbata
10:00etan Bustitz ostatuan gosalduta, gazteak eskean ibiliko dira Beñat akordeoilariarekin. Ondotik bazkaria eginen dute Fondan. 17:30etik 20:00etara disko festa izanen da Ulibeltzak elkartea. Gauean gazteek Elortxurin afalduko dute.
Ilbeltzak 28, igandea
11:00etan karrozen desfileko denboran, opilak, gaztainak, tortilla eta ardoa banatuko dizkiete gazteek ikusleei. Desfilea bukatzerakoan, bi magren eta bildotsaren zozketa eginen dute. 14:30ean bazkaria izanen dute Ulibeltzak Elkartean, ondotik, berriz, dantzaldirako parada izanen da, Santxotenaren eskutik.
