Leitzako saioan kantuan izanen dira Bittori Elizalde Soto, Endika Legarra Nuin, Eneko Lazkoz Martinez, Fernando Ziganda Urdanpilleta, Saats Karasatorre Martinez eta Josu Sanjurjo Alzuri Lesakako bertsolaria. Ander Aranburu Arriola ariko da gaiak jartzen.
Leitzako saioan erabakiko da zein 18 bertsolari ariko dira kantuan finalaurrekoetan. Oraingoz, Iruritako saioa irabazi zuen Sarai Roblesek, Vianako saioko txapeldun Julio Sotok eta Uharteko irabazle Joanes Illarregik lortu dute hurrengo faserako txartela. Leitzako irabazlea ere zuzenean sailkatuko da hurrengo fasera, eta puntuazioaren arabera bertze 14 bertsolari sailkatuko dira.
Leitzako saiorako zein gainerako saioetarako sarrerak salgai daude www.bertsosarrerak.eus atarian.