Jardunaldi bikoitza izan dute asteburuan Nafarroako Bertsolari Txapelketan. Larunbatean Vianan eta atzo Uharten jokatu zituzten saioak. Uharteko Arte Garaikideko Zentroan jokatu zuten txapelketako hirugarren saioa, eta 220 bertsozale bildu ziren bertsolarien jarduna aditzera.
Sei bertsolari aritu ziren han kantuan, zozketak erabakitako ordenean: Mikel Lasarte Cia, Beñat Astiz Isasi, Joanes Illarregi Marzol, Ainara Ieregi Aranburu, Julen Zelaieta Iriarte eta Eki Mateorena Zozaia. Horietatik hiru ziren eskualdekoak: Illarregi eta Mateorena leitzarrak eta Zelaieta beratarra. Ainhoa Larretxea Agirre aritu zen gaiak jartzen. Nafarroako Bertsozale Elkarteak antolatu du saioa, Uharteko Udalaren eta Uharteko Arte Garaikideko Zentroaren laguntzarekin.
Behin ariketa puntuagarriak osatuta, Joanes Illarregik lortu zituen puntu gehien, 834 denera eta zuzenean sailkatu da Lesakan azaroaren 19an jokatuko duten finalaurrekotara. Haren gibeletik sailkatu ziren Eki Mateorena (324), Julen Zelaieta (315), Mikel Lasarte Cia (312), Beñat Astiz (305) eta Ainara Ieregi (261).
Lehen hiru kanporaketak jokatuta, horrela dago sailkapena:
Irurita- Urriak 7 | Viana- Urriak 14 | Uharte-Urriak 15 |
Guztira | ||
1 | Joanes Illarregi Marzol | 384,5 | 384,5 | ||
2 | Julio Soto Ezkurdia | 380 | 380 | ||
3 | Xabat Illarregi Marzol | 377,5 | 377,5 | ||
4 | Sarai Robles vitas | 354 | 354 | ||
5 | Ekhiñe Zapiain Arlegi | 338 | 338 | ||
6 | Saioa Alkaiza Guallar | 333 | 333 | ||
7 | Idoia Granizo Uribarrena | 328,5 | 328,5 | ||
8 | Ekain Alegre Gil | 324 | 324 | ||
9 | Eki Mateorena Zozaia | 324 | 324 | ||
10 | Eneko Fernandez Maritxalar | 320,5 | 320,5 | ||
11 | Julen Zelaieta Iriarte | 315 | 315 | ||
12 | Mikel Lasarte Cia | 312 | 312 | ||
13 | Beñat Astiz Isasi | 305 | 305 | ||
14 |
Urko Gartzia Aleman |
300 |
300 |
||
15 | Patxi Castillo Graciarena | 294 | 294 | ||
16 | Egoitz Gorosterrazu Elizagoien | 291,5 | 291,5 | ||
17 | Aitor Irastortza Arrizurieta | 287 | 287 | ||
18 | Ainara Ieregi Aranburu | 261 | 261 |
Heldu den larunbatean segituko du txapelketak, Leitzan jokatuko den laugarren eta azken final-laurdenarekin. Herri Aretoan izanen da saioa, 17:30ean. Han ariko dira kantuan Eneko Lazkoz Martinez, Josu Sanjurjo Alzuri, Bittori Elizalde Soto, Endika Legarra Nuin, Saats Karasatorre Martinez eta Fernando Ziganda Urdanpilleta, Ander Aranburu gai-jartzaileak gidatuta. Bertan argituko da zein 18 bertsolari ariko diren kantari hurrengo fasean.