Maiatzaren 3an egindako osoko bilkuran, Igantziko udalak esleitu zuen Elizateko birmoldaketa bukatzeko egin gabe gelditu ziren lanak. Hiru enpresa aurkeztu ziren lan hauek egiteko prest eta Asprosur Bussines SL izan da esleipenduna, 390.000 eurotan (gehi BEZa).
Orain alegazioen epea ireki da, eta ondotik, kontratua hilabete inguruko epean formalizatu ahal izanen dela aurreikusi dute. Gero lau hilabete eta erdi izanen dute lana bukatzeko.
Igerilekuak
Lizar Sein Arburua izanen da uda honetan ere igerilekuen garbitasuna, sarrerak eta ostatuaren kudeaketaren ardura hartuko duena, 1.500 euro gehi sarreren diruaren %25aren truke.
