Udalak jakitera eman duenez, «Construcciones Boreste ez zen hornitzaileei edo azpikontratatutako enpresei ordaintzen ari». Horregatik gelditu dira obrak. Gaineratu duenez, «egun batzuk ziurgabetasunez pasatu ondotik eta kontratak lanari berriz ekiterik izanen ez zuela egiaztatu ondotik, udalak kontratua alde batera uzteko prozedura hastea erabaki du».
Hala, obraren amaiera bertze enpresa bati esleituko dio Igantziko Udalak, eta horretarako legeak eskatzen duen prozedura hasiko du berriz.