Bera eta Lesaka inguruetako sutea ia erabat kontrolatuta, berriz ireki dute N-121-A errepidea Bera eta Irun artean

Sutearengatik ia 22 orduz itxita egon ondotik, ireki dute berriz N-121-A errepidea Bera eta Irun artean. Berako alkateak Aitor Elexpuruk adierazi duenez, «baieztatzen ahal da norbaitek nahita eman ziola su mendiari eta 1.600 Hektarea baino gehiago erre direla». Gipuzkoako suhiltzaileek jakitera eman dutenez, Gipuzkoan 300 Hektarea inguru erre direla kalkulatzen dute. Oraingoz ez dago zehaztapenik Biriatu, Urruña, Azkaine eta Sarako eremuetan erretako Hektarea kopuruari dagokionez.

Nafarroako Gobernuak prentsa-oharrean jakitera eman duenez, «gutxi gorabeherako kalkuluen arabera, suak 1.600 hektarea inguru erre ditu». Sua aktibo dago oraindik Nafarroaren eta Gipuzkoaren arteko mugan, Lesakako mugan. Leku hori arras zaila da, eta ibilgailuek ezin dute bertara sartu. Gipuzkoako eta Nafarroako suhiltzaileak ari dira lanean.

Sutea behin itzalita, mendizainek kalteak aztertuko dituzte orain. Hasiera batean, handiak dirudite. Bertzeak bertze, pinudiak eta hostozabal landaketak edo plantazioak, ezpeldegiak, bordak eta mendiko azpiegiturak izan dira kaltetuak.

Erlazionatuak

Berako sutea ahuldua bada ere, jada ilunduta, Lesakako Eskolamendi inguruetan larri dabiltza

Bortziriak Lesaka

Gaua etorri da eta sutea ezin kontrolatuz dabiltza Lesakako Eskolamendi inguruetan. Suhiltzaileak, mendizainak eta herritarrak gogor ari dira lanea...
Beran Antzuzelai aldeko sutea, N-121-A errepide ondoraino iritsi da eta trafikoa eten dute bi noranzkoetan

Bortziriak Bera

Bertizarana eta Baztango suteez gain, Bortzirietan ere norbaitek su eman dio mendiari, Beratik Irun aldera, Antzuzelai parean. Haize ufadek lagundu...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun