Berako sutea ahuldua bada ere, jada ilunduta, Lesakako Eskolamendi inguruetan larri dabiltza

Ttipi-Ttapa 2021ko ots. 20a, 21:30

Gaua etorri da eta sutea ezin kontrolatuz dabiltza Lesakako Eskolamendi inguruetan. Suhiltzaileak, mendizainak eta herritarrak gogor ari dira lanean suebakiak egiten. Lesakako Eskolamendin, Zuluetako gainetik Xantua etxearen ondoraino ailegatu da sutea eta Zalain Zoko aldera ari da jausten. Hau idazterakoan, N-121-A errepideak moztuta segitzen zuen bi noranzkoetan.

Larrialdi Planaren 2. maila aktibatu eta armadari laguntza eskatu dio Nafarroako Gobernuak

Txibite lehendakariak eta Ramirez lehendakariordeak Larrialdietarako Aholku Batzordearen bileran parte hartu dute eta Larrialdi Planaren 2. maila aktibatu ondotik, Espainiako armadaren (UME) esku-hartzea eskatu dute.

Eguerdian ateratako argazkian, sutearen ikuspegia Lesakako Kopako Harritik.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun