Berako Udalak gaur arratsaldean atera duen bandoan zehazten denez, bi adin tarte horietan dauden beratarrek hitzordu zehatza hartuko dute telefono dei baten bitartez. Ortzirale arratsaldean hasiko dira telefono deiak egiten eta hitzorduak ematen.
Probak egiteko Toki Ona kiroldegia prestatuko dute eta txertoen operatiboa 09:30ean hasiko da eta 20:00etan amaituko da.
Nork ez du proba egiteko beharrik?
Bi adin multzo horietako pertsonen artean, betiere, proba egitetik salbuetsiak daude azkeneko 10 egunetan PCR bat egin dutenak, eta baita azkeneneko hiru hilabeteotan PCR proba edo antigeno test batean positibo eman dutenak ere. Eta hasieran aipatu diren adin tarte horietan ez dauden beratarrek ere, jakina, ez dute igandean hitzordurik izanen.