UEMAko Batzar Nagusia larunbatean eginen dute Lesakan

Lesakarren %79a euskaraz ongi aritzeko gai da, eta Soziolinguistika Klusterrak iaz Bortzirietako hizkuntzen kale-erabilera neurtzeko egindako lanaren arabera, %74a euskaraz aritzen da Lesakan.

Zuzen bidean Lesakako Udalak Udalerri Euskaldunen Manmokunitateko kide izateko eskaera onartuko da

Udalerri Euskaldunen Mankomunitateak (UEMA) larunbat honetan Batzar Nagusia eginen du. Zehazki, larunbat honetan, abenduaren 12an, 10:00etatik aitzinera Lesakako Harriondoa Kultur Etxean elkartuko dira UEMAren zuzendaritza batzordeko kideak, eta UEMAko kide diren Nafarroako hamalau udalen ordezkariak. Gainerako alkate eta zinegotzi guztiek, online parte hartuko dute batzarrean.

Batzarrean, Lesakako Udalak UEMAko kide izateko eskaera onartzea espero da. Hain zuzen, urriaren 29an egindako batzarrean onartu zuen udalak berriz ere Udalerri Euskaldunen Mankomunitateko kide izateko erabakia.
Horrela, Lesaka UEMAko kide den 88. herria bihurtuko litzateke. Guztien artean, ia 250.000 biztanle inguruko lurgune euskalduna osatzen dute. Batzarkideek aztergai izanen dituzten bertze kontuen artean, berriz, 2020ko balantzea eta 2021erako egitasmo nagusiak onartzea daude, bertzeak bertze.
Batzar Nagusia bukatu ondotik, 11:45ean, hedabideentzat adierazpenak eginen dituzte Lesakako Harriondoa Kultur Etxearen atarian Iraitz Lazkano, UEMAko lehendakariak eta Ladis Satrustegi, Lesakako alkateak.

Erlazionatuak

Lesakako Udalak berriz ere UEMAko kide izatea erabaki du

Bortziriak Lesaka

Urriaren 29ko batzarrean EHBilduko sei ordezkariek aldeko botoa eman zuten eta Geroa Baiko bortzak abstenitu ziren.
«Udaletik soilik bideratu ezin dugun euskararen aldeko hizkuntza politika aurrerakoia egiteko aukera ematen digu UEMAk»

Bortziriak Lesaka

Ladis Satrustegi Lesakako alkatea gustura agertu da Udalak onartutako erabakiarekin, eta UEMAko kide diren gainerako udalerri euskaldunekin elkarla...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun