Amezketa, Aramaio eta Larrabetzun jokatutako jardunaldien ondotik, azaroren 2an, Berako Eztegara pilotalekuak hartuko ditu Emakume Master Cup pilota txapelketako partidak. Larunbatean 12:00etan hasita, 16 urtez beheitiko txapelketako zortzi partida jokatuko dituzte eta 16:00etatik aitzinera, promozio mailako final zortzirenetako partidak. Joan den asteburuan debuta egin zuen Irantzu Etxebeste beratarra eta Zubietako Naroa Elizalde izanen dira eskualdeko ordezkariak.
Arratsaldeko 4etatik aitzinera promozio mailako partida hauek jokatuko dituzte, lau eta erdiaren barrenean:
- Amaia Jaka (Ihabar) - Janire Arrizabalaga (Gernika)
- Nagore Bilbao (Laukiz) - Andrea Aldaregia (Latasa)
- Naroa Elizalde (Zubieta) - Irati Ugalde (Galdakao)
- Ane Urkizu (Berastegi) - Naiara Aldasoro (Ataun)
- Maite Tolosa (Amezketa) - Gentzane Aldai (Orozko)
- Nagore Aramendi (Azpeitia) - Irantzu Etxebeste (Bera)
- Ane Arteaga (Lasarte) - Amaia Zarrabeitia (Kortezubi)
- Ainhoa Ruiz de Infante (Otxandio) - Izaro Zinkune (Errezil).