Urteak dira Almandozko Mendiola auzoko herritarrak N-121-A errepidetik «sarbide duina» eskatzen diotela Nafarroako Gobernuari. Orain, Belateko tunelen banatze lanekin, «sarrera kendu edo aldatu daitekeela» salatu dute.
Hori dela eta, «auzora sarbide egokia ematen dion konponbide baten defentsan» atera dira barrideak, eta gobernuari eskatu diote bere aldarrikapena kontuan izateko. Gainera, afera Nafarroako Parlamentura eramateko aukera ere aztertuko dute, «behin betiko irtenbide bat lortze aldera».
