Gaur hasi da epaiketa, eta bortz egunez luzatuko da. «Bortxa eta derrigortze» delituez gain, «talde kriminal antolatu baten parte izatea» leporatu diete zazpi auzipetuei eta 56.000 euroko isuna ordaindua dute dagoeneko. Zigor ekonomikoa totalean 20 urteko kartzela zigorra eskatu dute auzipetuendako, eta ohartarazi dutenez, «43 milioi euroko kalte ordaina ere gure gain gelditzen ahal da, bizi osorako zigor ekonomikoa ezarriz».
Epaiketa hasi aitzinetik, auzipetuei babesa emateko elkarretaratzea egin dute auzitegi aitzinera. Bertan, Aroztegiko Elkartasun Komiteko kideek hartu dute hitza eta nabarmendu dute, «mesfidati» daudela epaiketarekin, ez baitira «justiziarekin fio».
Epaiketako bortz egunetan, auzipetuei babesa deitzeko hainbat ekitaldi antolatu dituzte. 11:00etan mahai ingurua eginen dute AHT gelditu!, EH Bizirik!, Ostia Sarea eta Bilgune Feministak. Aitzinetik, elkarretaratzea egin dute.
Hau izanen da heldu den egunetarako antolatutako egitaraua:
- Maiatzak 20, asteartea
- 07:45ean auto karabana Elizondoko plazatik
- 08:45ean auzipetuei babesa adierazi
- 09:00etan kolektiboen adierazpenak
- 10:00etan bertso saioa: Maialen Lujanbio eta Julio Soto
- 11:00etan mahai ingurua: Gorka Torre, Intza Gurrutxaga, Sagrario Aleman eta Ihitz Iriart
- Maiatzak 21, asteazkena
- 07:45ean auto karabana Elizondoko plazatik
- 08:45ean auzipetuei babesa adierazi
- 09:00etan kolektiboen adierazpenak
- 11:00etan mahai ingurua: Steilas, LAB, EHNE, ELB eta ELA
- Maiatzak 22, ortzeguna
- 07:45ean auto karabana Elizondoko plazatik
- 08:45ean auzipetuei babesa adierazi
- 09:00etan kolektiboen adierazpenak
- 11:00etan mahai ingurua: ONEKA, Jardun, Baztan-Bidasoa Aldeko Pentsionistak eta EHko Etxebizitza Sindikatu Sozialista
- Maiatzak 23, ortziralea
- 07:45ean auto karabana Elizondoko plazatik
- 08:45ean auzipetuei babesa adierazi
- Akabailan auzipetuen deklarazioa
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!