Elkartasun kontzertuak izanen dituzte ekainaren 12an Berroetan

Sarreretatik bildutako dirua Uzterteko baserriko familiarentzat izanen da.

Maiatzaren 22an erre zen Uzterteko baserriko familiarentzat izanen da bildutako dirua.

Berroetako herriak maiatzaren 22an suak hartu zuen baserriko familia laguntzeko elkartasun kontzertuak antolatu ditu. Ekainaren 12an, heldu den larunbatean, izanen dira emanaldiak eta sarreretatik biltzen den dirua erre zen etxearendako izanen da.

Arratsaldean, 18:00etan Ameli ipuinen jostuneren kontaketa aditu ahal izanen da. Ondotik, 18:30ean Gandeia taldeak hartuko du lekukoa. 19:00etan Madame Birrots, 19:30ean Lau Haizetara eta, akitzeko, 20:00etan Hauspolariek taldea izanen dira.

Sarrerak mugatuak izanen dira eta atzotik salgai daude Oskorrin, Intzan eta Zubipuntan. Helduek hamar eurotan dituzte eta haurrek debalde. Bide batez, «ekarpen guztiak» eskertuko dituztela oroitarazi nahi izan dute.

Erlazionatuak

Berroetan erre den bordako familia laguntzeko kontu korrontea partekatu dute

Baztan Berroeta

Berroetako Uzterteko bordak su hartu zuen larunbatean, tximinian hasi eta teilatura zabaldu zena. Ez zen inor zauritu, baina etxea arras kaltetua g...
Etxe bat erre da larunbat arratsaldean Berroetan

Baztan Berroeta

Etxebizitza ia osorik erre bada ere, ez da inor zauritu. Arratsaldeko lauak aldera hartu dute abisua larrialdi zerbitzuan eta Oronozko eta Cordovil...

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun