Astebete pasatxo bertzerik ez da pasatu ikasle eta irakasleak ikasgelara bueltatu zirenetik eta dagoeneko Nafarroako Haur eta Lehen Hezkuntzako 111 taldetako 2.308 ikasle bakartu behar izan dituzte.
Azken 24 orduetan, hemezortzi ikastetxetako (itunpekoak zein publikoak) 21 gela bakartu behar dituzte, positiboak agertu direlako. Ondorioz, 461 ikaslek ondoko hamar egunetan etxean egon beharko dute. Eskualdekoei begira, Berako Ricardo Baroja eskolako 12 ikasle eta Erratzun Haur Hezkuntzan dauden bertze hamabiak dira etxera bidali dituztenak.
