Kalitate eta itxura bikaineko ahari, behor, behien... erakustoki bihurtuko da ortziralean Elizondoko Merkatu Plaza goizeko 10etatik eguerdira bitarte. Makineria erakusketa ere eguerdira arte egonen da ikusgai. Postuak izaten dira Elizondoko ferietako bertze osagai garrantzitsua. Elizondoko karriketan barna 200 inguru jarri izan dituzte aitzineko urteetan. Aurten ere, nekazaritzako lehengaiak, tresnak, jakiak, arropak... jarriko dituzte salgai, ortziral eta larunbatean egun osoz. Sahararen aldeko tonbolan parte hartzeko aukera ere izanen da.
Larunbateko atsoferien ere izanen da zer ikusi eta zer erosi.
