Larunbata, ekainak 27

10:00

14:30

Merkatu ttikia Lesakan

Lesakako Udalaren eta herriko ekoizleen, artisauen eta komertzioen arteko elkarlanari esker merkatu ttikia eginen dute ekaineko azken larunbatean ere, ekainaren 27an, Lesakako Beheko Plazan. Larunbatean, 10:00etatik 14:30era hainbat lan eta produktu ikusteko eta erosteko aukera izanen da, «toki ttikietan gauza handiak gertatzen direlako».

19:00

21:00

Zerk eraman gaitu Gernikak egitera?

Senpereko Amotze auzoko Larraldea baserria euskal kulturari babesa ematen dion gune nagusia izan da hogei urtez. Ekainaren 27an, larunbatean, jaialdi berezia antolatu dute eta hogei urte baino gehiagoko ibilbidearen ondotik, ekitaldi honen bidez, ixtea erabaki dute.

10:00

Fermin eta Arantxa Fernandezen margolanak

Baztango Udalak Fermin eta Arantxa Fernandez margolarien pintura erakusketa antolatu du gaur hasi eta ekainaren 30era arte, Elizondoko Arizkunenea kultur etxean. Egunero egonen da irekia, 10:00etatik 13:00etara eta 17:00etatik 20:00etara.