Ondorioz, urte horretan punta puntako profesionalen arteko pilota partida elegante hau ikusi genuen: Arretxe eta Errandonea, Unanueren eta Errastiren kontra. Musika kontuan, egun ezberdinetan, noski, Tapia&Leturia eta Patxi Perez; Eskorbuto; Xiberotar kantaldia (Maddi Oihenart, Xan Mixel Bedaxagar, Niko eta Dominika Etxart, eta Errobert Larrandabürü) izan genituen.
Estilo ugari eta gustu guztietarako musika eskaintza. Herri kiroletan emazteki talde bat aritu zen (duela mende laurden!). Aspaldian ikusi gabeko ekitaldi hauek ere izan ziren: esposatuak esposatu gabekoen kontrako futbol partida (Etxeberriko belaian, argazkian); eta mozorro gaua. Urte hartan sei besta egun izan ziren: agorrilaren 14an hasi eta 19an finitu.
