Kontrabandisten krosa aski lasterketa berezia da, parte-hartzera "gonbidatuak" dauden 36 lasterkariak, binaka, mugaren bi aldeetako herrien izenean (9 herri hegoaldekoak eta 9 herri iparraldekoak) aritzen baitira lehian. Aurten, gainera, pandemiarengatik ia sei hilabetez lehiaketarik gabe egon ondotik, lasterkariek lehen krosean parte hartzeko pribilegioa izanen dute. Krosak badu bertze berezitasun bat ere: lasterkariak garaiko bateko janzkera irudikatu behar dute (galtza ilunak eta elastiko zuria), eta 8 kiloko karga eraman sorbalden gainean.
Larhungo mazeletan goiti 8,4 km-ko ibilbidea eta %50eko maldak
Sorbalda gaineko karga utzi baino lehen, 8,4 kilometroko ibilbidea ibili beharko dute lasterkariek, horietatik 5 kilometro inguru harriz betetako xendetan barrena eta %50eko maldekin. Euriarekin bustia dagoenean, gainera, arriskua handitu egiten da.
