Emmanuel Macron Frantziako presidenteak atzo iragarri zuen Ipar Euskal Herrian eta Frantzian «toki publiko itxi guztietan» maskararen erabilera derrigorrezkoa izanen dela eta aldi berean, «kanpoan erabiltzea gomendagarria» dela adierazi zuen. «Prebentzio neurririk onenak barrera keinuak dira: maskarak jantzi, segurtasun tartea mantendu eta gela erabili», azaldu zuen. Horrekin batera, sintomarik izan edo ez, herritar guztiek izanen dute testa egiteko aukera, hala nahi badute. Proba horiek eginda, «positiboak bakartu» nahi dituzte, «gisa honetara herritar guztiak berriz ez konfinatu beharrik izateko».
Nafarroako Gobernuak, berriz, gaur zehaztuko du maskararen erabilera derrigortzeko araua.
