Urdazubin ere Salbatore bestak ospatuko dituzte maiatzaren 29tik ekainaren 2ra. Iruritan baino zortzi ordu beranduago, asteazken arratsaldeko 8etan hasiko dira txupinazoa eta ezkil-jotzearekin. Nesken frontenis txapelketako finalak jokatuko dituzte ortziralean eta kontzertuak izanen dira; larunbatean zikiro-jatea eta zingar-jatea eta igandean mutikoen frontenis txapelketako finala.
Maiatzak 29, asteazkena
20:00etan txupinazoa, ezkil jotzea eta aperitifa. 21:30ean herri afaria plazan Hauspolariek alaiturik.
Maiatzak 30, ortzeguna
11:00etan meza. 12:00etan ezkil jotzea eta ondotik aperitifa txistulari eta dantzariekin. 16:30ean haurrendako jokoak. 19:00etan Haurren Zunba. 21:30ean paella jatea Holako taldeak alaituta eta ondotik dantzaldia.
Maiatzak 31, ortziralea
12:00etan Ameli eta Xirrikituen jostuna. 14:00etan Ugarana elkarteko emakumeen bazkaria. 16:00etan bisai pintatzea eta Zirkoloretsu antzerki taldearen emanaldia. 17:30ean txokolate jana. 18:30 nesken frontenis txapelketako finala. Ondotik, sari banaketa. 20:00etan sagardotegi mugikorra eta pintxoak plazan. 23:00etatik aitzinera kontzertuak: Aizkor erauntsia, Ufestuek eta Buiaka elektrotxaranga. Ondotik, Dj Zeta.
Ekainak 1, larunbata
14:30 Zikiro jatea Turrutxiki txarangak alaiturik eta ondotik karrika buelta. 16:30ean haurrendako jokoak. 21:00etan Zingar jatea plazan eta Los Cazahuates mariatxiekin dantzaldia. 00:00etan Gabenara taldearekin dantzaldia.
Ekainak 2, igandea
17:30ean Mutikoen frontenis txapelketako finala. Ondotik, sari banaketa. 19:00etan Plazan dantzaldia Puro relajo taldearen eskutik. Pintxo eta freskagarriak salgai. 21:00etan boletoen zozketa.