Larunbatean Labriten jokatutako finalerdian Lesakak 2-1 irabazi zion Goizuetari
Benjamin mailako partidan, Lesakako Kemen Telletxeak eta Oihan Irurietak 18-13 irabazi zieten Goizuetako Aner Zubiriri eta Aiur Makazagari.
Alebin mailan, aldiz, Goizuetako Urki Larraldek eta Inar Lujanbiok 18-14 irabazi zieten Lesakako Ainara Hitari eta Amets Irurietari.
Infantil mailako partida erabakigarrian, azkenik, Lesakako Oihan Muñoak eta Jon Madariagak 18-10 irabazi zieten Goizuetako Luken Elizegiri eta Haritz Aranberriri.
Autobusa Beratik
Beratik autobusa antolatu dute uztailaren 4ko finalera joateko eta ikusteko. Larunbatean 08:00etan abiatuko da Toki Onatik. 10:00ean hasiko dira finalak Labriten. Ondotik, Iruñetik Doneztebeko Santamaria jatetxera joanen dira bazkaltzera eta 19:30ean bueltatuko dira Berara.
Herriarteko handian, Leitza eta Esteribar
Nafarroako Herriarteko Pilota Txapelketa nagusiaren finalean, berriz, Leitza eta Esteribar izanen dira. Leitzarrek hamargarren finala izanen dute.
