Betelu menperatu ondotik, Esteribar izanen du arerio uztailaren 4ko Labriteko finalean
Nafarroako Herriarteko Pilota Txapelketako lehen edizioko finalean izan zen Leitza 1970. urtean, orduan Altsasuren kontra eta, geroztik, hamar aldiz izan da finalean (1970, 1971, 1972, 1973, 1981, 2007, 2009, 2023, 2025 eta, orain, 2026).
Larunbateko finalerdian, kadete mailako Hodei Sagastibeltza eta eta Aiur Ugartemendia leitzarrek lortu zuten lehen puntua, Beteluko Eneko Orejari eta Imanol Sotili 22-18 irabazita, partida estu eta lehiatu baten ondotik. Jubenil mailako puntua errazago lortu zuten Leitzako Julen Baleztenak eta Aimar Zubillagak, Beteluko Egoitz Orejari eta Unai Otamendiri 22-5 irabazita.
Finalerako txartela segurtatuta izan arren, senior mailan ere garaipena lortu zuten Hegoi Txoperena eta Eñaut Goikoetxea leitzarrek, Beteluko Beñat Goikoetxeari eta Julen Sotili 22-16 irabazita.
Herriarteko ttikian, Bera eta Baztanen arteko finalerdia
Herriarteko handian Leitzak segurtatua du finalerako txartela eta herriarteko txikian ere, guttienez eskualdeko ordezkari bat izanen da, Berak eta Baztanek jokatuko baitute finalerdia egunotan.